Banner

غزل/ مجید قرار

02.08.2011 00:22

چې ستا د مړو سترګو دستور به نه و
هغه به کار و، خو ضرور به نه و

ستا لېوني به شکایت نه کاوه
د زړګي سره، چې مجبور به نه و

چې د غم پاستې پخول پرې جانان
زموږ زړګی به و تنور به نه و

پردی سړی مو هم دښمن کېدای شوای
خو هغه وخت چې خپل تربور به نه و

څنګه بې عشقه زمانه وه پیره
دار به ولاړ و، او منصور به نه و

که لېونی درپسې نه وای قرار
ریښتیا چې دومره مشهور به نه و

اسدخان 07.10.2011 06:22

دیرښه شعر

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.