Banner

غزل/مجید قرار

22.06.2011 15:50

ښایسته نظر دې چا ته نه ورکوي حال مخ ته
دلته اکثره تر خبرو وي جنجال مخ ته

ساده سړیه، اول مینه بیا بېلتون راځي
تر اشغال کله وي نېټه د استقلال مخ ته

پرون دې سترګو زما پر زړه راکړلو داغ ړومبی
نن دې د خیر په دغه کار کې شولو خال مخ ته

اول دې سپین باړخه را وښود، بیا دې خال د زنې
ګوا ابوبکر مسلمان و، تر بلال مخ ته

اشنایه دلته خوښۍ دومره دومره لنډه وي چې
ته به سکوایې، تر وجود یې و زوال مخ ته

زه چې ناځوانه یادوم، زه چې بې غوره ښیم
په داسې وخت کې دې د ښکلیو وي دېوال مخ ته

لښکر د زلفو یې ترشا، جوپه جوپه ولاړ دی
خال یې ولاړ، لکه اووه ستوري جنرال مخ ته

ما وېل چې غېږه راکوې، نو ځوروې مې ولې
وېلې قراره، سوله نه وي تر قتال مخ ته

 


ستاسو تبصره


لطفاً لاندې افغانستان په انګليسي تورو وليکئ.